ZOMATO மூலம் கெட்டுப்போன கறி

இந்தியா முக்கிய செய்திகள்

தஞ்சாவூர் மாவட்டத்திற்கு ZOMATO மூலம் வந்த 3600 கிலோ இறைச்சி கெட்டுப்போனதை அறிந்த பிரபல உணவகம் அதிர்ச்சி தகவலை வெளியிட்டுள்ளது.

தஞ்சாவூர் மாவட்டம், ஒரத்தநாடு அருகே ஒரு திருமணத்தில் சமையல் ஆர்டரை சேலம் ஆர்.ஆர்.பிரியாணி நிறுவனம் எடுத்துள்ளது.

விழாவில் மட்டன் மற்றும் சிக்கன் பிரியாணி செய்வதற்காக 3600 கிலோ இறைச்சியை சோமேட்டோ ஆன்லைன் உணவு விற்பனை செய்யும் நிறுவனம் மூலம் முன்பதிவு செய்துள்ளது சேலம் ஆர்.ஆர்.பிரியாணி நிறுவனம்.

அதனை ப்ரீசர் வசதி கொண்ட லாரியில் இறைச்சி பண்டல்கள் ஒரத்தநாடு பகுதிக்கு அனுப்பி வைக்கப்பட்டது. அங்கு அவற்றை எடுத்து சமைத்த ஆர்.ஆர்.பிரியாணி உணவக ஊழியர்கள் இறைச்சி கெட்டுப்போனதை கண்டு அதிர்ச்சி அடைந்தனர்.

பின்னர், புகாரின் அடிப்படையில் கிண்டி கிடங்கிற்கு வந்த அதிகாரிகள் இறைச்சியை பரிசோதனை செய்தனர். அதில், அனைத்து இறைச்சி பாக்கெட்டுகளும் கெட்டுப்போனது தெரியவந்தது.

இது குறித்து செய்தியாளர்களை சந்தித்த உணவு பாதுகாப்புத்துறை அதிகாரி , ”குடோனில் இருந்த இறைச்சியை நாங்கள் சோதனை செய்து பார்த்தோம். அவை கெட்டுப் போய் உள்ளது. ப்ரீசர் வாகனத்தில் இறைச்சி வந்ததாக கூறுகின்றனர்.

ஆனாலும், இவை ஏறக்குறைய அழுகிய நிலையில் உள்ளது. கெட்டுப்போன நிலையில் இருந்த இறைச்சியை தான் சோமேட்டோ நிறுவனம் சப்ளை செய்திருக்கும் என நினைக்கிறேன்.

மேலும், ஆய்வு செய்ய இறைச்சிகளை சோதனை கூடம் மற்றும் கால்நடை மருத்துவமனைக்கு அனுப்பவுள்ளோம். இந்த சம்பவத்திற்கு சோமேட்டோ நிறுவனம் பதில் சொல்ல வேண்டும் இதனை தீவிரமாக விசாரிக்கப்போகிறோம். கர்நாடகா மாநிலத்திற்கு சென்றும் விசாரணை நடத்தப்படும் என கூறினார்