தொகுதி பங்கீடு குறித்து கூட்டணி கட்சிகளுடன் பேச்சுவார்த்தைகள் நடைபெற்று வருகிறது – அமைச்சர் ஜெயக்குமார்

சென்னை: கூட்டணி கட்சிகளுடன் தொகுதி பங்கீடு உள்ளிட்ட அனைத்து பேச்சுவார்த்தைகளும் நடைபெற்று வருகிறது. உரிய நேரத்தில் கட்சித் தலைமை தொகுதிப் பங்கீடு விவரத்தை முறைப்படி அறிவிக்கும் என்றார், திருவல்லிக்கேணியில் அம்மா மினி கிளினிக் கட்டிடத்தை திறந்து வைத்த பின்னர் நிருபர்களிடம் அமைச்சர் ஜெயக்குமார் கூறியதாவது, தமிழகத்தில் தேர்தல் அறிவிப்புக்கு முன், திமுக – காங்கிரஸ் கூட்டணி உடைய வாய்ப்பு உள்ளது . திமுக-காங்கிரஸ் கூட்டணி என்பது தேர்தல் தேதி அறிவிப்பதற்கு முன்னாலேயே உடைந்து விடலாம். தமிழகத்தில் அதிமுக கூட்டணி பலமாக இருக்கிறது. திமுக – காங்கிரஸ் ஆகிய இரு கட்சிகளும் உறுதித்தன்மையற்று இருப்பதால்தான் புதுச்சேரியில் தற்போது காங்கிரஸ் அரசு கவிழ்ந்திருப்பதாக தெரிவித்தார்.