எனக்கு திருமணம் நடந்து விட்டது என்பது தவறான தகவல் – நடிகை காஜல் அகர்வால்

தமிழ், தெலுங்கு, இந்தி மொழிகளில் நடித்து 50 படங்களை கடந்துவிட்ட நடிகை காஜல் அகர்வாலுக்கு இப்போதும்  பட வாய்ப்புகள் வந்துகொண்டிருக்கிறது சமீபத்தில்தான் 34–வது பிறந்தநாளை கொண்டாடினார், ரஜினிகாந்தின் புதிய படத்தில் அவருக்கு ஜோடியாக நடிக்க பேச்சு  வார்த்தை நடப்பதாகவும் தகவல்கள் வெளியாகி உள்ளது, காஜல் அகர்வால் தங்கை நிஷா அகர்வாலுக்கு ஏற்கனவே திருமணம் முடிந்துவிட்டது, காஜல் அகர்வால் பற்றியும் கிசுகிசுக்கள் வருகின்றன. தெலுங்கு தயாரிப்பாளருடன் காதல், ரகசிய திருமணம் செய்துகொண்டார் என்றெல்லாம் பேச்சுக்கள் கிளம்பி உள்ளன. இதற்கு பதில் அளித்து காஜல் அகர்வால் கூறியதாவது, என்னை பற்றி தொடர்ந்து வதந்திகள் வருகின்றன, எனக்கு திருமணம் நடந்து விட்டது என்றும் தவறான தகவலை பரப்புகிறார்கள். நான் ரகசிய திருமணம் செய்து கொள்ளவில்லை. திருமணத்துக்கு இன்னும் நிறைய காலம் இருக்கிறது. என்னை பெரிய நடிகையாக எப்போதும் நினைத்தது இல்லை. சாதாரண பெண்ணாகவே இருக்க விரும்புகிறேன், சினிமா உலகம் எனது உண்மையான குணத்தை மாற்றி விடவில்லை. சினிமாவுக்கு வருவதற்கு முன்பு எப்படி இருந்தேனோ அப்படித்தான் இப்போதும் இருக்கிறேன். ஓய்வு கிடைக்கும் போதெல்லாம் வீட்டில் தங்கை மற்றும் உறவினர்களுடன் நேரத்தை கழிக்கிறேன். வீட்டில் அடியெடுத்து வைத்தாலே குழந்தை போல் மாறி விடுகிறேன். நான் இந்த உயரத்துக்கு வருவதற்கு ரசிகர்கள்தான் காரணம், இவ்வாறு காஜல் அகர்வால் கூறினார்.